فاكرين لما كنا
فاكرين ... !
فاكرين لما كنا نشترى الدولار
بــ 72 قرش لغاية اول التمانينات
فاكرين لما كنا بنحجز التلاجه
ايديال واحنا فى الخليج وترح لنا البيت
فاكرين لما كنا بنشرب لبن
مصر للالبان فى قزازه لتر كبيره
فاكرين لما كنا نشترى صوف
المحله والكوبرتات القطن
فاكرين لما كنا نشترى البوبلين
القطن ونلبسه زى الحرير
فاكرين لما كنا نشترى العربيه
نصر من شركة النصر للسيارات
فاكرين لما كنا نشترى ملابس
قطنيه داخليه جيل وكابو ..
فاكرين لما كنا نشترى التليفزيون
من شركة النصر للتليفزيون
فاكرين لما كنا نشترى الاحذيه
من شركة باتا وشركة بيع المصنوعات
فاكرين لما كنا نشترى من
سيجال الفضيات والاثاث المعدنى
فاكرين لما كنا نسمع قناة
واحدة فى التليفزيون وسعداء بيها
فاكرين لما كنا بنسمع مسلسلات
رمضان فى الاذاعه والساعه 5م
فاكرين لما كنا بنسمع محمد
صديق وعبد الباسط ومحمد رفعت
فاكرين لما كنا بنسمع مشايخ
الازهر فى الاذاعه كلامهم دوا ...
فاكرين لما كنا بنسمع ام
كلثوم وعبد المطلب والمسحراتى
فاكرين لما كنا بنزرع العدس
والفول مؤنة البيت من زرعنا للسنه
فاكرين لما كنا فى البيت
مانحتاج غير الشاى والسكر من الدكان
فاكرين لما كنا نخزن فى كل
بيت صوامع قمح ودقيق وحتى الرده
فاكرين لما كنا نشم المرقه
زى المسك وتاكل لحم شهى
فاكرين لما كنا نذاكر على
لمبه 5 , 10 وننجح بتفوق
فاكرين لما كنا راضيين بالعيشه
ونحب بعض ونسأل على بعض
فاكرين لما كنا نستلف من
بعض الملح وشوية طبيخ وموش عيب
فاكرين لما كنا نفرح مع الجار
ونحزن ولاحد يعمل فطير فى الحزن
فاكرين لما كنا ناس طيبه
وننسى الشتيمه ونجبر الخاطر
فاكرين لما كنا نحترم الكبير
ونستحى ونختشى ونقوم للكبير
فاكرين لما كنا نشوف اساتذتنا
نوقف لهم والصغير يجرى ...
فاكرين لما كنا نشوف الحرمه
ماتطلع من البيت قبل المغرب
فاكرين لما كنا نساعد بعض
فى البنا وفى الحصيد والدراس
فاكرين لما كنا نتمنى نسافر
نروح مصر احلى حاجه فى الدنيا
فاكرين لما كنا نسمع نشرة
الاخبار الساعه 2 بعد الضهر ولساعه 5م
فاكرين لما كنا نقول مصر
هيه امى ونيلها فى دمى
فاكرين لما كنا نقول بلادى
بلادى لك حبى وفؤادى
فاكرين لما كنا نقول الله
اكبر فوق كيد المعتدى
فاكرين لما كنا وللأسف تُهَنَّا
وهنا على بعض وعضينا فى بعض
فاكرين لما كنا وافكركم كل
يوم بندمنا على اللى فات كله
فاكرين ... فاكرين ... اكيد
حتقولوا ... ايه اللى فكرك
اللى فكرنى اصلى ..
قلى عيب عليك تنسى ولاتصبح
على الناس
وتمشى هادى ولا تدب رجلك
قدامهم زى البــ .. غل .
عيب تشغل تليفزيون وتعلى
صوته وجنبك مريض
عيب ماتعرفش العيب وانت كبير
وتعلم اولادك اللى علمهولك ابوك
عيب ماتغيرش على مصر
عيب ماتغيرش على مصر
عيب ماتغيرش على مصر
تبقى معندكش اصل
تبقى معديتش على مصر
مصر ... مصر ... مصر
ستبقى
ستبقى
والطغاة زائلون
والخونة ملعونون
والافاقون منبوذون
وسلام على مصر فى الاولين
وسلام على مصر فى المنتصرين
وسلام على مصر فى قلوب المحبين
تعليقات
إرسال تعليق